زهقت خلاص!!

موضوع: زهقت خلاص!! الجمعة 14 أغسطس 2009, 2:37 am

كل يوم نفس الوشوش

نفس الرتوش

نفس الأنين

زهقت خلاص ..

من العيشه وم العيشين ..

من الدنيا وم اللايمين

زهقت خلاص .. ومش صابر على الدنيا ولو ليومين!

كل يوم باصحى وببات ..

السكات نفس السكات

والكلام مافيهوش حنين

عَ الشفه بسمه .. لكن راسمه فى قلبى دموع

وفى عقلى واردة .. لكن شارده عن الموضوع

باستنى بكره .. ومافيش فكره هاييجى منين؟

زهقت خلاص ..

من النغمات وم الألحان ..

من الرسومات وم الألوان ..

من السجن اللى جوايه وم السجان

زهقت خلاص .. ومش عارف أروح على فين ؟؟!