يـــــــــا

يـا أرض بـور ..
مافـهـاش لا زاد ولا مَـىِّ
يـا سِـكه سَـكه ..
عَ الأمـل والضـى
أنـا لسّـه عايـش ..
رغـم إن الـروح ..
مش حـاسـه خـالص إنى واحـد حـىّ !!

يـا حـلم ضـاع فى القلـب ..
جـوه الروح
يـا حَـد سـيف السُـكات ..
يقـطع لسـان البـوح
أنـا لسـه عشـمان فـ اللى جـاى ..
يفتح بيبـان الكلام ..
حـتى ولو بالنـوح
يـا ألـف حـرف ومخـنوقين ..
فـوق اللســان
يـا ألـف حـلم ومحـبوسـين ..
خـلف البيبـان
أنـا لسـه كاتـم صـرخـتى فى الحـلق ..
لكـنى خـايف يطـلع الصـوت مِ الـودان !!
يـا فـرحـه طـارحـه عَ الخـدود الـورد
بـا بسـمه واخـده عَ الشـفايف عـهـد
أنـا لسـه ليّـه وسـطكم مطـرح ؟
واللا الجـراح عَ القـلب صبحِـت وعـد ؟؟
يـا عيون صَـبيّـه شـقيه باصَّـه م الشـباك
يـا بسـمه تنـده علىَّ وتقـولى باسـتنـاك
أنـا لسـه تانى هاعانى وحدى م الأوهـام ؟
هـافضـل هِـنا ..
وخليكى إنتى هـناك !!
يـا فِـكر بِـكر وخـصب جـوّايـه
يـا قلـب دافـى وفى الصـفا آيــه
ليـه الطـيابـه فـى زمـانـا البـور ..
صاحـبها يصـبح ما بين الخــلق سِِـلاّيـه !!
يـا طيـبين الفـؤاد والطـهر جـوّاكم
يـا حـافظيـن الـوداد والعـهد لسَّـاكم
أنـا لسّـه برضـه زيـكم أبيـض ..
مهما سـواد الـزمن عَ الـوِش يـتراكم
يـا غـربه ماده جـذورها جـوّه القـلب
يـا وِحـده واخـده من قـلوبنا الحـب
أنـا لسّـه كـفى بـالأمـل ممـدود ..
رغـم السـدود ..
وديـابـه مـاليـه الـدرب !!