وحشتينى2......بصوت القلب

اول مرة اسمعها منك
وحشتينى... بتقولها من قلبك
معقولة قلبك عليه حن
وضغطت عليك طيبتك
جت متأخرة...مش مهم
المهم انى اسمعها منك
مش هكدب عليك محتاجاها
محتجاها اوى تداوى جرحك
وتحمينى من اقنعة الناس
وتخدنى اعيش على برك
اصلى نفسى افضفض معاك
واحكيلك حالى من بعدك
غرقانة فى موجة عالية
بتسحبنى بعيد عنك
ووشوش سودة محوطانى
بتحاول تخدنى منك
كنت حسه انك راجع
ورجعة ارفرف فوق ارضك
بس خايفة امن تانى
تكون لعبة من لعبك
محتجالك وخايفة منك
خايفة تجرح خايفة اسامحك
اسيب قلبى يصدقك ولا
اصرف نظر عن حبك
طب قولها تانى يمكن
قلبى ينسى مر غدرك
ويرجع تانى صفحة بيضة
ترسم فيها بحبر قلمك
حمامة بيضة وجنة خضرة
وقلب بيعشك سكون ملامحك
وترجع تانى اغلى الحبايب
ويرجع قلبى تحت امرك
اصله عاشقك من البداية
وطول عمره رهن اشارتك
بس لو تقلها تانى
كنت اجى لحد عندك
واطلب من عينك السماح
انى ما قلتهاش قبلك

خلص منى الكلام
اخذتى كل الكلام الحلو
ابداع، تميز،نبل احساس مرهف ،مشاعر جميلة ،.....
لكى منى كل التحية والمحبة
فى انتظار كل جديد لمنتداكى

بوح جميل من إحساس مرهف نبيل

كلمات عذبة تمس القلب وتنعش الروح
دمت فى سعادة
ولك خالص محبتى

مش عارف أقول مين الاحلي اللي بالقلب والا اللي بالعقل لان الاثنين حلوين