بنــــات ثانــــوي

 
الرئيسيةاليوميةالتسجيلدخول

شاطر | 
 

 كُل وأرفس!!؟

اذهب الى الأسفل 
كاتب الموضوعرسالة
حمدى عبد اللطيف
مدرس اللغة العربية بمدرسة جمال عبد الناصر


ذكر عدد الرسائل : 5
العمر : 53
تاريخ التسجيل : 24/02/2008

مُساهمةموضوع: كُل وأرفس!!؟   الإثنين 21 أبريل 2008, 10:10 pm

كُل وأرفس!!؟
مهداه لكل من أكل دون أن يدرى لحوم "الحمير والكلاب"!!
شعر/ حمدى محمد عبد اللطيف
لمحــت لحــمه فى محـــل زحمه مـابين صُـغّـيـر وبين كبـــير
لقيت فيه هيصه وحاجات رخيصه ممبار وكرشــه وكباب خطير
أنا قلت أجــيلو واخـطف لى كيلو وألاغيه فى فشه وطحال كتير
ما أنا اصلى غاوى أكل العكاوى وأحب "أشوطها" بس بضمير
وأكل كوارع وأطوف شـــوارع ولا يمكن أتعب أو اسـتجــــير
وإن كان فـيـه لـيّه أقــول للوليه تـقـَلِّى بـيـها تـــديـك عــــبـيـر
ولجـلـن يـكـفّـى اتـنـيـن مشــفّى أحــمر ملبــس بسكين حــرير
وأنا برضه راضى، رجعلى ماضى مارجعش فاضى جزار شهير
بفـلـوس قـليله، وكلمات جــميله أرجــع وشــايل الخـــير كتير
ســنين طــويله يجــى ألف ليــله ما يوم يعدى من غير ده خير
والأشـــيا ماشيه والكبــده زبـده واللحمه حـــلوه كندوز صغير
جــيت مره بشهق لقيتنى بانهق وودانى كبرت وصوت جعير
أصبحت قدوه فى لبس حدوه من أى ســيســى بقيــت بغيـر
ويوم ما بادعى ألقى البرادعى يجبلى ســـرج ولجـــام وأطير
ساعة ما باعطش أرفس وابرطش وأحــط بــوزى فى أى زيـــر
كان اسمى "صاوى" بقيت "حصاوى" فى اصطبل عنتر قاعد أســير
كــبرت ودانـى .. طـولِـت سـنـانى وكروشنا كبرت مالهاش نظير
أثـنـاء غـيـابـى .. غـابـت كلابـى قــعـدت "أهوهو" لعـله خـــير
وفى يــوم معـدِّى وما حــد قــدى لـقـيـت فيه لمَّه ونــــاس كتـير
وبـرضـه زحـمه فى محــل لحمه ولاجــل ما أعرف أسأل خبير
لقـيـت غـضـنـفـر واقــف بـيـنـفر فى إيده "مطوه" وبصوت زئير
ويا ريت ما رحت وسألت عنه طلــع صاحـبنا جــزار "حمير"

شعر/ حمدى محمد عبد اللطيف
مدرس لغة عربية
مدرسة جمال عبد الناصر الثانوية بنات
الرجوع الى أعلى الصفحة اذهب الى الأسفل
tota147
عضو مشارك
عضو مشارك


انثى عدد الرسائل : 52
العمر : 27
رقم العضوية : 9
تاريخ التسجيل : 13/02/2008

مُساهمةموضوع: رد: كُل وأرفس!!؟   الأحد 27 يوليو 2008, 12:32 am

اجمل من رائع وعلى فكرة انا سررت جدا بقرأتها فى جريدة الاخبار
اهنئك من كل قلبى
وللامام دائما
الرجوع الى أعلى الصفحة اذهب الى الأسفل
 
كُل وأرفس!!؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بنــــات ثانــــوي :: 
المنتديات الثقافية
 :: شعر وخواطر
-
انتقل الى: