بنــــات ثانــــوي

 
الرئيسيةاليوميةالتسجيلدخول

شاطر | 
 

 شهيد العيش

اذهب الى الأسفل 
كاتب الموضوعرسالة
حمدى عبد اللطيف
مدرس اللغة العربية بمدرسة جمال عبد الناصر


ذكر عدد الرسائل : 5
العمر : 53
تاريخ التسجيل : 24/02/2008

مُساهمةموضوع: شهيد العيش   الثلاثاء 11 مارس 2008, 4:46 pm



شهيد العيش


شهيد العيش وانا شـــــــــاهد

***

بأن العــــــــــيش يادوب زادك

واقف م الصـــــــــبح بتجاهد

***

ونعم التضحية جــــــــــــهادك

وعارف كنت بتنـــــــــــــاهد

***

علشـــــــــــــان بجنية لاولادك

وشارد فى الطــــــابور زاهد

***

ايه اللى بيجرى فى بـــــــلادك

مابين وســــــــــع لى واتاخر

***

ف صــــــــــــــــبية قد اولادك

ف صف طويل مالوش اخـر

***

ومتـــــــأخر على معــــــــادك

ولو قادر على الفـــــــــــاخر

***

بكـــــــــام يكفى أعــــــــــدادك

بخمسة جنية من الآخـــــــــر

***

يدوب طــــــــقه وان فــــــادك

وأرد واقول مفــــــيش تغيير

***

ولو هســــــكن فى اجمل قصر

ومضطرين نقف طــــــوابير

***

من الفــــــجر لحد العصـــــــر

ف برد وحــــــر من ده كتير

***

ووقت يضــــيع وملوش حصر

يا ريت فيها احترام لكبيـــــر

***

جرلكم ايه يا اولاد مصــــــــر
الرجوع الى أعلى الصفحة اذهب الى الأسفل
حمدى عبد اللطيف
مدرس اللغة العربية بمدرسة جمال عبد الناصر


ذكر عدد الرسائل : 5
العمر : 53
تاريخ التسجيل : 24/02/2008

مُساهمةموضوع: رد: شهيد العيش   الثلاثاء 11 مارس 2008, 4:47 pm




بنسمع كل يوم لوزيـــــــــــر

***

خلاص هلت بشاير النصــــــر

ونتحسر على الاحــــــــــوال

***

نقول يا (مصيلحى) طـب فينك

تشوف الدعم والامـــــــــوال

***

وسرقة تتم عينى عينـــــــــــك

بتتسرسب شوال فى شـــوال

***

وباسم الدعم واكلينــــــــــــــك

تلاقى تاجر معاه شيـــــــــال

***

ف عز الضهر سارقينـــــــــك

مفتش هل زى هــــــــــــلال

***

وخد حقه بينى وبينــــــــــــــك

وتتكلم تشوف اهــــــــــــوال

***

وتطلع ف الطابور عينـــــــــك

وتسمع م المنقى خبــــــــــال

***

ولازم يبقوا عاجبينــــــــــــــك

وآخرتها يجى ابن حـــــــلال

***

وهبه ف لحظة قتلينـــــــــــــك

تروح للعيال .. منشـــــــــال

***

شهيد مكتوب على جبينــــــــك
الرجوع الى أعلى الصفحة اذهب الى الأسفل
أ/ وليد عبد العال
المشرف على الفلسفة والمنطق
avatar

ذكر عدد الرسائل : 20
العمر : 44
البلد : مصراوي
الوظيفة : مدرس فلسفة ومنطق
الهواية : كرة القدم - القراءة - تصفح الانترنت
تاريخ التسجيل : 25/02/2008

مُساهمةموضوع: رد: شهيد العيش   الأحد 18 مايو 2008, 10:22 pm

ممتازة يا استاذ حمدي ومتهيألي الحل هو العيش الصيني
الرجوع الى أعلى الصفحة اذهب الى الأسفل
 
شهيد العيش
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بنــــات ثانــــوي :: 
المنتديات الثقافية
 :: شعر وخواطر
-
انتقل الى: