algohiny ادارة المنتدى
عدد الرسائل : 49 العمر : 53 رقم العضوية : 2 تاريخ التسجيل : 13/02/2008
| موضوع: خســـارة تفتكرينى ... الخميس 14 فبراير 2008, 6:27 pm | |
| خســـارة تفتكرينى ... شعر/ فرغلى هارون الجهينى طول عمرى بأقسى وانتى .. قلبك دايماً مسامح طول عمرى بانسى وانتى .. قلبك بالحب طارح لكن أنا باعترفـلِك .. لو حتى كلامى جارح خسـاره تفتكرينى .. خسـاره حبك فـىَّ خساره حتى دموعك .. لو تنـزل يـوم علـىَّ
كنت فـ حبك أنانى .. ما بشوفشِ إلا نفسى وانتى فـ حبك تعانى .. ولا مره حاولتى تنسى أجرح وانتى تداوى .. قلبك عَ الحب ناوى .. عاشقه غرام الحكاوى .. لو حتى هـاتخسـرى
خسـاره تفتكرينى .. خسـاره حبك فـىَّ خساره حتى دموعك .. لو تنـزل يـوم علـىَّ
شفتى م الناس ملامه .. دقتى فـ حبى المرار ولا جيتلك بابتسامه .. ولا شـبعتى انتظار أهجر يوم بعد يوم .. تنسى عنيكى النوم .. ليلك ماليان غيوم .. ولا نجمه تنوره خسـاره تفتكرينى .. خسـاره حبك فـىَّ خساره حتى دموعك .. لو تنـزل يـوم علـىَّ
عيشى حياتك فى بُـعدى .. حاولى وهاتقدرى أحسن لو تنسى حبى .. مادام انتى بتخسـرى أخلصتى وقلبى خان .. ولا دقتى فـ يوم حنان .. مش هتلاقى الأمان .. لو جنبى هـاتفضلى خسـاره تفتكرينى .. خسـاره حبك فـىَّ خساره حتى دموعك .. لو تنـزل يـوم علـىَّ
عدل سابقا من قبل Admin في الثلاثاء 19 فبراير 2008, 10:26 pm عدل 1 مرات | |
|
Admin Admin
عدد الرسائل : 351 العمر : 74 البلد : مصر أم الدنيا الوظيفة : معلم بالترية والتعليم الهواية : الكمبيوتر- الاطلاع -الموسيقى الهادئة -كرة القدم رقم العضوية : 1 تاريخ التسجيل : 31/01/2008
| موضوع: رد: خســـارة تفتكرينى ... الخميس 14 فبراير 2008, 7:17 pm | |
| شاعرنا الكبير يعجز اللسان عن الكلام لك الشكر والحب كله هل فى جعبتك من مزيد هيا | |
|
tota147 عضو مشارك
عدد الرسائل : 52 العمر : 32 رقم العضوية : 9 تاريخ التسجيل : 13/02/2008
| موضوع: رد: خســـارة تفتكرينى ... الخميس 06 مارس 2008, 12:17 pm | |
| فعلا خساره الا قولى هى البت ده لابسة نظارة | |
|